ആത്മഹത്യ

ചില പ്രാണൻ പോകലുകൾ ഉണ്ട് ..
ഒരു നിമിഷം നാം വിചാരിച്ചിരുന്നെങ്കിൽ കൊഴിയാതെ സൂക്ഷിക്കാൻ നമുക്ക് സാധിക്കുമായിരുന്നവ !

ശ്രുതിഭംഗം വന്ന സ്വരങ്ങൾ അവർ പുറപ്പെടുവിക്കുന്നുണ്ടാവും !
ശ്രദ്ധയുംകരുതലും കൊതിച്ചിട്ടുണ്ടാകും .
അതിനായി നമ്മുടെ നേർക്ക് അത്ര തീവ്രമായി കൈനീട്ടിയിട്ടുമുണ്ടാകും !

ജീവിത പ്രാരാബ്ധങ്ങളുടെ ഓട്ടപ്പാച്ചിലിൽ ഒരിക്കൽപ്പോലും നാമത് ശ്രദ്ധിച്ചു കാണില്ല !

ഒരു പക്ഷേ , ഒരിക്കലെങ്കിലും അവരെ കേൾക്കാനും ആശ്വസിപ്പിക്കുവാനും നമ്മിലൊരാൾക്ക് കഴിഞ്ഞിരുന്നെങ്കിൽ അവരിന്നും നമുക്കൊപ്പം ഇവിടെ ഉണ്ടായിരുന്നേനെ !

ഏറ്റവും നിരാശയോടെ പ്രാണൻ വലിച്ചു പറിച്ചു ഒടുക്കുന്ന ആ അവസാന നിമിഷത്തിലും അവർ ഏറ്റവും വൈകാരികമായി ജീവിതത്തിലേക്ക് ഒരു പിൻവിളി കൊതിച്ചിട്ടുണ്ടാകും !

ചില പ്രാണൻ പോകലുകൾ ഉണ്ട് ..
ഒരു നിമിഷം നാം വിചാരിച്ചിരുന്നെങ്കിൽ കൊഴിയാതെ സൂക്ഷിക്കാൻ നമുക്ക് സാധിക്കുമായിരുന്നവ!

രാധമീര